Alimlərin fikrincə, qan donorluğu leykemiyadan qoruyur.
Qan donorları sağlam sümük iliyi hüceyrələrinin vəziyyətini yaxşılaşdırmış olur.
“Medicina” xəbər verir ki, Britaniya alimləri tez-tez qan verənlərin sümük iliyinin kök hüceyrələrində yeni, sağlam hüceyrələrin əmələ gəlməsinə kömək edən spesifik genetik dəyişikliklərlə üzləşdiyini aşkar ediblər.
Yaşlandıqca sümük iliyinin kök hüceyrələrində mutasiyalar toplanır ki, bu da klonların – genetik quruluşu dəyişdirilmiş hüceyrə qruplarının yaranmasına səbəb ola bilər.
Bu klonların bəziləri qan xərçənginə səbəb ola bilər.
Ancaq ildə üç dəfə qan verən tez-tez qan verən donorlarda, əksinə, sağlam hüceyrələrin yenilənməsinə kömək edən mutasiyalar olur.
Tədqiqatçılar 40 il ərzində 120 dəfədən çox qan verən 200-dən çox tez-tez donordan alınan qan nümunələrini təhlil etdilər və onları beş dəfədən az qan verən qeyri-müntəzəm donorların nümunələri ilə müqayisə etdilər.
Alimlər mutasiyaların tez-tez leykemiya ilə əlaqəli olduğu DNMT3A geninə xüsusi diqqət yetirdilər.
Laboratoriya təcrübələri təsdiq etdi ki, bu cür mutasiyalarqan itkisi stresinə daha yaxşı cavab verir və xərçəngə çevrilmədən qırmızı qan hüceyrələrinin istehsalını təşviq edir.
Tədqiqat qan donorluğunun təkcə başqalarına kömək kimi deyil, həm də donorların özlərində sağlam qan hüceyrələrinin yenilənməsi üçün vacibliyini vurğuladı.
Aygün Musayeva
