Ötən il penitensiar müəssisələrdə məhbuslar tibbi xidmətlə tam əhatə olunmuş, infeksion xəstəliklər nəzarətdə saxlanılaraq müvafiq profilaktik tədbirlər həyata keçirilib.
APA-nın xəbərinə görə, bu, Nazirlər Kabinetinin 2024-cü il üzrə hesabatında əksini tapıb.
2024-cü ildə Qlobal Fondun Vərəm və İİV/QİCS-lə bağlı layihələrinin icrası təmin olunmuş, o cümlədən XDR vərəmli məhkumların V qrup yeni vərəm əleyhinə preparatlarla müalicəsi davam etdirilib.
Bununla yanaşı, vərəm və İİV xəstəlikləri müşahidə olunan 369 məhbus Qlobal Fondun dəstəyi ilə Hepatit C virusu ilə bağlı müalicəyə cəlb olunub. Müalicəsinin nəticəsi qiymətləndirilmiş məhkumlardan 94%-i sağalıb.
