1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Xocalı rayonunun Ballıca kəndinə köçürülən sakin doğma yurda qayıdışın sevincini yaşadıqlarını bildirib.
Oxu.Az xəbər verir ki, "Report"a açıqlamasında rayonun Ballıca kənd sakini Zemfira Hümbətova doğma yurda qayıdışla arzularının həyata keçdiyini vurğulayıb:
"Hər Novruzda Allahdan arzu edirdik ki, növbəti bayramı Qarabağda qeyd edək. O qədər sevincli, o qədər qürurluyuq ki, bu hisslər bizə insanın necə xoşbəxt ola biləcəyini göstərir. Bu gün arzularımız gerçəkləşib, 33 ildən sonra bayramı doğma yurdumuzda qeyd edəcəyik.
Müzəffər Ali Baş Komandan İlham Əliyevin rəhbərliyi ilə ordumuzun qazandığı bu tarixi qələbə bizim və bizdən sonra gələn nəsillərin baş ucalığı olacaq. Mən bu anları yaşadıqca azərbaycanlı olduğumla fəxr edirəm. Bizə bu qüruru yaşadan şəhidlərimizin ruhu qarşısında baş əyir, Ali Baş Komandana minnətdarlığımı ifadə edirəm".
