“Bəzi məktəb və bağçaların qazlaşdırılmasında ciddi çətinlik var və bu, davam edir”.
Adalet.az xəbər verir ki, bunu Milli Məclisin bu gün keçirilən plenar iclasında “Azərbaycan Respublikası Nazirlər Kabinetinin 2024-cü ildə fəaliyyəti haqqında hesabatı”nın müzakirəsi zamanı deputat Tahir Rzayev deyib
“Qaz xəttinin məktəbin, uşaq bağçasının yaxınlığından keçməsinə baxmayaraq, qışda uşaqlar soyuqda dərs keçməli olurlar. Digər rayonlarda olduğu kimi, Ağcəbədidə də belə məktəb və uşaq bağçaları var”, - deyə deputat bildirib.
