Qəzza şəhərində Əl-Şifa xəstəxanasının həyətindəki kütləvi məzarlıq təmizlənir. Qətərin “Əl-Cəzirə” telekanalının yerli mülki müdafiə departamentinə istinadən verdiyi məlumata görə, fövqəladə hallar xidmətləri və könüllülər 180 nəfərdən 48-nin cəsədini çıxara biliblər.Bildirilir ki, İsrailin bombardmanından sonra Əl-Şifa xəstəxanasının həyəti zibil və dağıntılarla dolu qalıb. Şəhər sakinləri adi kürəklər və yalın əlləri ilə dağıntıları təmizləyir, İsrailin Qəzza şəhərini atəşə tutması zamanı həlak olan onlarla insanın cəsədini tapır və adət-ənənəyə uyğun olaraq dəfn etmək üçün ekshumasiya edir.Məlumata görə, tapılan 48 cəsəddən 38-nin şəxsiyyəti artıq müəyyən edilərək dəfn olunmaq üçün aparılıb, daha 10 nəfərin isə şəxsiyyətinin müəyyənləşdirilməsi gözlənilir. Ümumilikdə, Mülki Müdafiə Departamentinin məlumatına görə, 2023-cü ilin oktyabrında Fələstin-İsrail münaqişəsinin kəskinləşməsindən bəri xəstəxananın həyətində 180-ə yaxın insan dəfn edilib.
