Bu gün İsrail Xarici İşlər Nazirliyi Purim bayramı münasibətilə açıqlama yayıb.
"Cebheinfo.az" xəbər verir ki, nazirlik bildirib ki, yəhudi xalqının bütün düşmənləri nə vaxtsa, tarixin zibilliklərinə atılacaq:
“Yəhudilərin düşmənləri nə qədər vəhşi olsa da, nəticədə onlar hamısı tarixin zibilliklərinə atılacaq. Hamandan (persiya şahı Axaşveroşun yəhudiləri məhv etməyə təhrik edən biblik şəxsiyyət) HƏMAS-dək - yəhudi qatilləri özləri məhv olacaq, amma yəhudi xalqı əbədi yaşayacaq".
Xatırladaq ki, "Purim" bayramı, yəhudi təqviminin Adar ayının 14-cü gününə təsadüf edir və 2025-ci ildə 13 mart axşamından 14 mart gecəsinə qədər davam edəcək.
Bayramın əsas məqsədi, qədim Persiyada yaşayan yəhudilərin möcüzəvi şəkildə xilas olmasının xatirəsini qeyd etməkdir.
