"Cebheinfo.az" xəbər verir ki, Türk Dövlətləri Təşkilatının (TDT) Katibliyində keçirilən iclasda ŞKTC-ni müşahidəçi üzv qismində Xarici İşlər Nazirliyinin müşaviri Mustafa Lakadamyalı və Xarici İşlər Nazirliyinin 3-cü katibi Batuhan Beyatlı təmsil ediblər.
TDT-nin baş katibi, səfir Kubanıçbek Ömürəliyevin sədrliyi ilə keçirilən toplantıda üzv ölkələrin xarici işlər nazirlərinin müavinləri, müşahidəçi ölkələrin Macarıstan və Türkmənistanın Türkiyədəki səfirləri, TÜRKPA baş katibi, TÜRKSOY-un baş katibi, Türk Akademiyasının prezidenti, Türk Mədəniyyəti və İrsi Fondunun prezidenti, Türk İnvestisiya və İrsi Fondunun Baş Müşaviri və Baş nazir iştirak edib.
Görüşdə türk dünyasında əməkdaşlıq mexanizmlərinin daha da gücləndirilməsi, birgə layihələr və gələcəkdə görüləcək işlər müzakirə edilib.
"Cebheinfo.az"
