.jpg)
Politoloq Turab Rzayev qeyd edir ki, Ermənistanın sülh arzusu və müharibə hazırlıqları arasında ciddi uyğunsuzluq yaranır:
"Elə məsələdir ki, burada Ermənistan iki tərəfli oynayır. Bir tərəfdən Azərbaycanla sülhə hazır olduğunu, hətta 5-10 günə sülh müqaviləsi bağlanıb və bütün maddələrlə razılaşdıqlarını deyirdilər. Digər tərəfdən Ermənistanın silahlandığını görürük. Fərdi silah-sursat alır, hava müdafiəsi, gücləndirici tədbirlər görülür, zirehli maşınlar alınır, ordu yenidən qurulur. Maraqlı sual yaranır ki, bu ölkə sülh üçün çalışırsa niyə şiddətli şəkildə müharibə hazırlıqları gedir. Bir məsələ də Azərbaycan, Türkiyə ilə münasibətlərin normallaşdırılması, iqtisadi, siyasi, sosial məsələlərin bərpa edilməsindən danışırlar. Digər ölkələrin Azərbaycana qarşı siyasi fəaliyyəti də davam edir.
Azərbaycan da böyük bir məhkəmə prosesinə hazırlıq görür. Faktiki olaraq, onminlərlə insan Azəbaycan üçün cinayət işi açılmasını istəyir. Guya Ermənistan əhalisi fərdi şəkildə gedib Azərbaycana qarşı məhkəməyə ərizə yazıb. Təbii ki, onminlərlə insanın ortaq qərarı bu deyil. Hökümət təşkil edib və Azərbaycana qarşı minlərlə məhkəmə şikayəti olur. Bütün bunlar Ermənsitanın səmimiyyətini bir daha düşündürür".
Zeynəb Mustafazadə
