“Roma”nın baş məşqçisi Klaudio Ranyeri Konfrans Liqasının 1/8 finalının Bilbao “Atletik”i ilə cavab oyununu şərh edib.
Arena.az məlumat verir ki, evdəki ilk oyunda 2:1 hesablı qələbə qazanmış “canavarlar”, cavab oyununda azlıqda qalıb “tələyə düşərək” 1:3 hesablı məğlubiyyətlə üzləşiblər.
“Bəli, bu aşkar qırmızı vərəqə idi… Hummels vaxt itirdi, o, sola ötürmə verməli idi, amma bunu etmədi. Belə xüsuslar yaşanır, o, böyük çempiondur, amma belə də olur. Buna rəğmən, mən öz komandamı təbrik etmək istəyirəm, axı uşaqlar çətin anda vahid oldular və tam gücləri ilə mübarizə aparırdılar.
Mənə toxunur, çünki biz özümüzü yaxşı hiss edirdik və əla oyun keçirəcəyimizə əmin idik. Müvafiq məqamlar həm bu və həm də digər tərəfə yığılar bilər, amma mən uşaqları heç nədə təqsirləndirə bilmərəm. Onlar çox mürəkkəb vəziyyətdə fantastik oyun oyun keçirdilər.
Bizim məqsədimiz – həmişə tam gücümüzlə can qoymaqdır… Biz hələ də ən yaxşı komandalar arasındayıq və biz “Roma”nın mümkün olduqca yüksəyə qalxması üçün mümkün olan hər şeyi edəcəyik. Mən noyabrda öz yolumun başlanğıcında demişdim və bunu təkrar etməyə də davam edirəm: Mən heç vaxt təslim olmuram. Mən həmişə ən yaxşısını istəyirəm, bunu özümdən tələb edirəm və eynisini də oyunçularımdan xahiş edirəm.
Mənə bugünkü kimi güclü çıxış verin və bizim təəssüfümüz olmayacaq. Biz, elə, öz stadionumuzdakı birinci oyunda olduğu kimi, inanılmaz və gərgin ab-havada bütün gücümüzü verdik. Onları təbrik edirəm, həmçinin əla oyun nümayiş etdirmiş öz oyunçularımı…”, – Klaudio Ranyeri oyunsonrası mətbuat toplantısında bildirib.
Yarışın 1/4 finalına vəsiqə qazanmış Bilbao “Atletik”i bu mərhələdə “Reyncers”lə qarşılaşacaq. “Roma” isə cari avrokubok mövsümündə iştirakını başa vurub.
