Rusiya Prezidenti Vladimir Putin Səudiyyə Ərəbistanının vəliəhd şahzadəsi Məhəmməd bin Salmanla telefon danışığı aparıb.
"Cebheinfo.az" xəbər verir ki, bu barədə Kremlin mətbuat xidməti məlumat yayıb.
Tərəflər “OPEC+” sazişləri və Ukraynadakı vəziyyətlə bağlı fikir mübadiləsi aparıblar. Eyni zamanda, qlobal neft bazarındakı mövcud durum müzakirə edilib.
Bildirilir ki, liderlər “OPEC+” çərçivəsində Rusiya ilə Səudiyyə Ərəbistanı arasında əməkdaşlıqla bağlı cari məsələləri də müzakirə ediblər:
“Həm neft istehsalçılarının, həm də neft istehlakçılarının mənafeyi naminə qlobal neft bazarının sabitliyini təmin etmək və tələb və təklif arasında tarazlığı qorumaq üçün bu unikal çərçivənin əhəmiyyətini vurğulayıblar”.
