Qızıl bir unsiya üçün 3000 dollara (28,35 qram) çataraq rekord qiymət həddini keçib. Bu artıma səbəb ABŞ prezidenti Donald Trampın iqtisadi artıma zərbə vura biləcək aqressiv tarif siyasətidir.
Reyting.az xəbər verir ki, bu barədə “Bloomberg” yazıb.
Məlumata görə, spot qızılın unsiyasının qiyməti 2994 dollara yüksəlib. Eyni zamanda Nyu-Yorkda fyuçers inamla bir unsiya üçün 3000 dolları keçib.
Qiymətli metal 2024-cü ildə güclü rallidən sonra bu rübdə yaxşı çıxış edib, çünki ABŞ administrasiyasının aqressiv ticarət siyasəti səhmlər də daxil olmaqla riskli aktivlərə olan iştahı azaldıb. Qiymətli metalların bahalaşmasına mərkəzi bankların alışları da kömək edib.
D. Tramp Avropa şərabı, şampan və digər spirtli içkilərə 200 faiz rüsum tətbiq etməklə də hədələyib. O, həmçinin bu həftə qüvvəyə minən polad və alüminium tariflərini qaldırmayacağını və ya aprelin 2-də qüvvəyə minəcək tarif planlarından imtina etməyəcəyini bildirib.
Qeyd edilir ki, fevralın 20-də qızılın qiymətləri Trampın tarif təhdidlərinin qlobal ticarət müharibəsinə səbəb olacağı qorxusu ilə bütün zamanların ən yüksək səviyyəsinə qalxaraq unsiya üçün 2950 dolları keçib.
Analitiklər üçüncü rübdə qızılın bir unsiya üçün 3500 dollara çataraq rekord həddə olacağını bildirirlər. Ekspertlərin sözlərinə görə, bu il qızılın qiyməti 12 faiz artıb. Bu, geosiyasətlə bağlı qeyri-müəyyənlik və ABŞ prezidenti D. Trampın tətbiq etdiyi tariflərlə bağlıdır.
V. QULİYEV
