Bu gün Misli Premyer Liqasında 27-ci tur start götürəcək.
Fanat.Az xəbər verir ki, üç günü əhatə edəcək turun açılış oyunu Mərdəkanda baş tutacaq.
Günün yeganə qarşılaşmasında "Araz-Naxçıvan" "Şamaxı"nı qonaq edəcək.
Komandaların son oyunlardakı nəticələri azarkeşləri gərgin mübarizənin gözlədiyini deməyə əsas verir. Elmar Baxşıyevin komandası son 6 turda qələbəyə həsrətdirsə, Ayxan Abbasovun baş məşqçisi olduğu kollektiv fərqli trayektoriya ilə diqqət çəkib. "Şamaxı" son 5 oyundan cəmi 1-də uduzub, əvəzində 3 qələbə qazanıb, 1 heç-heçə edib. Xüsusilə son 2 turdakı qalibiyyətlər komandanın turnir mövqeyini xeyli yaxşılaşdırıb. "Araz-Naxçıvan" 46 xalla 3-cü, "Şamaxı" 27 xalla 7-ci yerdə qərarlaşıb.
Qeyd edək ki, tura 16 martda yekun vurulacaq.
Misli Premyer Liqası
27-ci tur
14 mart
19:00. "Araz-Naxçıvan" – "Şamaxı"
Hakimlər: Rauf Cabarov, Eyyub İbrahimov, Şirmamed Mamedov, Kamran Əliyev.
VAR: İnqilab Məmmədov, Namik Hüseynov.
Hakim-inspektor: Ramil Diniyev.
AFFA nümayəndəsi: Kifayət Mustafayeva.
Mərdəkan. Liv Bona Dea Arena.
“Araz-Naxçıvan”: 12. Kristian Avram, 34. Urfan Abbasov, 2. Slavik Alxasov, 6. Vadim Abdullayev (k), 7. Ülvi İsgəndərov, 29. Vanderson Melo,17. İssuf Paro, 23. Nuno Rodriqes, 4. İqor Ribeyro, 10. Bernardo Dias, 9. Əyyub Allaş.
Ehtiyat oyunçular: 94. Tərlan Əhmədli, 26. Ömər Buludov, 22. Elçin Mustafayev, 20. Turan Vəlizadə, 11. Bayraməli Qurbanov, 71. Sənan Ağalarov, 16. Ramon Maçado, 21. Sezar Meza Kolli, 8. Karlos Jatoba.
Baş məşqçi: Elmar Baxşıyev.
“Şamaxı”: 1. Rikardo Fernandes, 17. Rafael Məhərrəmli (k), 6. Rauf Rüstəmli, 82. Rüfət Abbasov, 24. Edqar Adilxanov, 12. Maykl Tuik, 32. Vasiliye Radenoviç, 93. Brahim Konate, 30. Andrey Tirkoveanu, 3. Vladislav Veremeyev, 66. Vasiliye Bakiç.
Ehtiyat oyunçular: 85. Kamal Bayramov, 62. Abdulla Seydəhmədov, 60. Səbayıl Bağırov, 14. Vüsal Məsimov, 5. Arsen Ağcabəyov, 23. Murad Vəliyev, 18. Cəlal Hüseynov, 19. Fəxri Məmmədli, 33. Alfons Msanqa.
Baş məşqçi: Ayxan Abbasov.
