"Santos"un hücumçusu Neymar yay transfer pəncərəsi zamanı Avropanın top komandasına qayıda bilər.
90deqiqe.Az-ın "El Nacional"a istinadən verdiyi xəbərə görə, "Bavariya" 33 yaşlı futbolçunu azad agent kimi almağa hazırdır.
Braziliyalı hücumçunun mümkün şəxsi əmək müqaviləsinin təfərrüatları hələlik məlum deyil.
Daha əvvəl mətbuatda Neymarın agentinin Münhen klubu ilə danışıqlar apardığı barədə məlumatlar yayılmışdı.
Təcrübəli futbolçu "Santos" forması ilə Braziliya çempionatında yeddi matçda üç qol vurub və üç məhsuldar ötürmə edib.
