1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Prezidenti Donald Tramp Avropa İttifaqı (Aİ) ölkələrindən alınan alkoqollu içkilərə 200% gömrük rüsumu tətbiq etməyə qərar verərsə, Aİ öz maraqlarını qorumağa hazırdır.
Oxu.Az-ın məlumatına görə, bu barədə "Bloomberg"ə müsahibəsində Aİ-nin diplomatiya rəhbəri Kaya Kallas bildirib.
"Biz soyuqqanlılığımızı qoruyuruq və əlbəttə ki, lazım olduqda hərəkət etməyə və maraqlarımızı qorumağa hazırıq", - deyə o bildirib.
Bundan əvvəl Tramp bəyan etmişdi ki, əgər Aİ viskiyə gömrük rüsumlarını ləğv etməsə, ABŞ şərab, şampan və digər alkoqollu içkilərə qarşı 200%-lik tarif tətbiq edəcək.
