"Liverpul" "Atletiko"nun 25 yaşlı hücumçusu Yulian Alvareslə maraqlanır.
Publika.az xəbər verir ki, bu barədə "Anfield Watch" məlumat yayıb.
Mənbənin sözlərinə görə, Madrid argentinalı futbolçunu almaq istəyən klublardan 100 milyon funt-sterlinqdən çox məbləğ tələb edəcək. "Liverpul"un Alvares üçün müqavilənin bir hissəsi olaraq hücumçu Darvin Nunesi təklif edəcəyi bildirilir. Mersisaydlılar uruqvaylı futbolçunu 80 milyon funt-sterlinq dəyərləndirirlər.
Qeyd edək ki, Alvares bu mövsüm bütün turnirlərdə 43 oyun keçirib, 22 qol vurub və 5 məhsuldar ötürmə edib. Onun klubla hazırkı müqaviləsi 2030-cu ilin yayına kimidir. "Transfermarkt"a görə, futbolçunun bazar dəyəri 80 milyon avrodur.
