ABŞ-ın Yəmən ərazisinə hərbi zərbələri husilərin Qırmızı dənizdə İsrail gəmilərinə hücum etmək niyyətlərinə təsir etməyəcək.
Publika.az xəbər verir ki, bu barədə “Al Arabiya” telekanalı hərəkatın adı açıqlanmayan nümayəndəsinə istinadən məlumat yayıb.
Husilər xəbərdarlıq edib ki, zərbələr cavabsız qalmayacaq.
Məlumata görə, husilər Qəzzadakı döyüşlər boyu İsrailə və Qırmızı dənizdəki gəmilərə hücum edib və heç bir şey bu hərəkətlərə təsir etməyib.
Martın 15-də ABŞ prezidenti Donald Tramp orsuya "Ənsar Allah" (Husi) hərəkatına qarşı “qətiyyətli və güclü hərbi əməliyyatlara” başlamağı əmr edib. ABŞ ordusu gecə saatlarında qrupun Yəməndəki hərbi obyektlərinə hücum edib. Hücumlar nəticəsində 31 nəfərin öldüyü, 101 nəfərin yaralandığı bildirilir.
