KXDR-in Xarici İşlər Nazirliyi (XİN) “Yeddilik Qrupu”nu (G7) “nüvə qrupu” adlandırıb və üzv ölkələri nüvə silahından imtina etməyə çağırıb.
“Report” xəbər verir ki, nazirlik nümayəndəsinin bəyanatını Koreya Mərkəzi Xəbər Agentliyi yayıb.
Şərhin səbəbi Qərb ölkələrinin KXDR-in "suveren hüququndan ədalətli istifadə edilməsində yersiz irad tutduqları" və onun nüvəsizləşdirilməsindən danışdığı G7 xarici işlər nazirlərinin görüşü olub. Pxenyan bu cür çağırışları təxribat adlandırıb, çünki ölkənin nüvə statusu konstitusiyada göstərilib.
“KXDR-in Xarici İşlər Nazirliyi G7 ölkələrinin – qlobal sülh və təhlükəsizliyin pozulmasının, beynəlxalq nüvə silahının yayılmaması rejiminin təhrikçilərinin – suveren dövlətin müharibənin qarşısını almaq üçün qanuni vasitələrə sahib olmaq hüququnu sual altına qoymasından ciddi narahatlığını ifadə edir”, - bəyanatda deyilir. Pxenyan nüvə silahının birgə istifadəsi və uzadılmış çəkindirmə konsepsiyasını nüvə silahının yayılmaması rejiminin pozulmasına misal olaraq göstərir.
XİN xatırladıb ki, Birləşmiş Ştatlar dünyada nüvə bombasından istifadə edən yeganə ölkədir və “nüvə silahının ilk yayılan ölkəsidir”. Diplomatın sözlərinə görə, Vaşinqton Koreya yarımadasında və Avropada nüvə toqquşması təhlükəsi ilə böhran yaradır. Pxenyan qeyd edib ki, Böyük Britaniya yenidən “Amerikanın nüvə silahlarını öz ölkəsinə sürükləməyə” çalışır və nüvə sualtı qayıqlarının tikintisi texnologiyasını qeyri-nüvə dövlətinə ötürür.
