1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Bu gün Rusiya Prezidenti Vladimir Putin və Azərbaycan Prezidenti İlham Əliyevin fəaliyyəti ölkələrimiz arasındakı dostluğun inkişafına istiqamətlənib".
Oxu.Az xəbər verir ki, bunu Azərbaycanda səfərdə olan Rusiya Federal Məclisinin Federasiya Şurasının sədri Valentina Matviyenko Milli Məclisin sədri Sahibə Qafarova ilə görüşündə deyib.
O bildirib ki, bu münasibətlərin əsası ümummilli lider Heydər Əliyevin hakimiyyəti illərində qoyulub:
"Ölkələrimiz arasında parlamentlərarası dialoqun inkişafında ikitərəfli komissiyanın fəaliyyəti mühüm rol oynayır. Bu fəaliyyət nəticəsində qanunvericilik orqanları arasındakı əməkdaşlığın yol xəritəsi hazırlanıb. Bu əməkdaşlıq təkcə ölkələrimizin parlamentləri arasında deyil, bütün sahələrdə inkişaf edir".
"Komissiyanın gündəliyindəki əsas mövzulardan biri də iqlim dəyişikliyi ilə bağlıdır. Çünki iqlim dəyişikliyi probleminin qarşısını almaq sosial inkişaf baxımından vacibdir. Avropa İttifaqı silahlanmaya böyük vəsait sərf edir, bunu ekologiyanın inkişafına xərcləmək lazımdır", - Federasiya Şurasının sədri deyib.
Mərahim Nəsib
