Əgər Rusiya ABŞ- la strateji tərəfdaşlıq qursa və sanksiyaların qismən götürülməsinə nail olsa, bütün dünya Rusiya lideri Vladimir Putinin qalib gəldiyini deyəcək.
NOCOMMENT.az xəbər verir ki, bu fikri Müdafiə və Təhlükəsizlik Araşdırmaları üzrə Kral Birləşmiş Xidmətlər İnstitutunun elmi işçisi Maykl Klark bildirib.
“Əgər prezident Putin ABŞ tərəfindən sanksiyaların qismən ləğvinə nail olsa və Moskva ilə Vaşinqton arasında strateji tərəfdaşlığa nail olsa, görünür, Tramp administrasiyasının istədiyi budur, o zaman dünyanın qalan hissəsi Putinin qalib gəldiyini deyəcək”, – analitik bildirib.
Klark hesab edir ki, belə bir ssenaridə Ukraynanın müttəfiqləri “Qərbin siyasi qüvvə kimi artıq etibarlı olmadığı yeni reallığa uyğunlaşmalı olacaqlar”.
Daha əvvəl Rusiya prezidentinin mətbuat katibi Dmitri Peskov bildirmişdi ki, Vladimir Putinlə amerikalı həmkarı Donald Tramp arasında söhbət çərşənbə axşamı, martın 18-də baş tutacaq. Eyni zamanda, Kreml nümayəndəsi iki lider arasında dialoqun mümkün gündəliyini açıqlamaqdan imtina edib.
Eyni zamanda Ağ Evin rəhbəri bəyan edib ki, Rusiya lideri ilə gələcək söhbət zamanı o, ərazilər və AES-ə nəzarət məsələsini qaldırmağı planlaşdırır.
