Bakı, 18 mart, AZƏRTAC
“Ortaq keçmişdə birləşə bilmədiyimiz üçün müəyyən qədər türklər bir-birlərindən uzaqlaşıblar. İndi isə ortaq gələcəyimizi yaratmaq üçün çalışmalıyıq”.
AZƏRTAC xəbər verir ki, bu sözləri Milli Məclisin İctimai birliklər və dini qurumlar komitəsinin sədri Fazil Mustafa "Türkman irsi: vətəndaş cəmiyyətlərinin həmrəyliyi" adlı forumda söyləyib.
Deputatın sözlərinə görə, Türk, İslam dünyası güclü olsa, heç bir qüvvə bizə əziyyət verə bilməz: “Biz gələcəyin sağlam, hədəfə doğru yönələn yol xəritəsini hazırlamalıyıq”.
