Bakı, 19 mart, AZƏRTAC
Almaniyanın "Bavariya" klubunun qapıçısı Manuel Noyer dünya çempionatında iştirak üçün milli komandaya qayıda bilər.
AZƏRTAC “Bild” nəşrinə istinadən xəbər verir ki, yığmanın məşqçilər korpusu 38 yaşlı oyunçunun geri dönmə ehtimalını nəzərdən keçirir.
Noyerin mümkün qayıdışı İspaniyanın “Barselona” komandasının zədəli qapıçısı Mark-Andre ter Ştegenin çıxışından asılı olacaq. Qolkiper zədədən sonra formasını bərpa edə bilməsə, onu Noyer əvəzləyə bilər.
Qeyd edək ki, Manuel Noyer 2024-cü ildə Almaniya millisindəki karyerasını başa vurduğunu açıqlayıb.
