Düzgün qidalanma və müntəzəm fiziki fəaliyyət qocalmanı ləngidə bilər.
Publika.az xəbər verir ki, bunu rusiyalı həkim Aygül Arslanova deyib.
Mütəxəssis qida rasionuna təzə meyvə və tərəvəzləri, tam taxılları, zülalları və süd məhsullarını daxil etməyi məsləhət görüb. O, şəkər və doymuş yağların istehlakını məhdudlaşdırmağa çağırıb.
Antioksidantlarla zəngin qidalara - giləmeyvə, yaşıl çay və qoz-fındıqlara xüsusi diqqət yetirilməlidir. Onlar yaşlanmada mühüm rol oynayan oksidləşdirici stresslə mübarizə aparmağa kömək edir.
