Türkiyə Prezidenti Tayyib Ərdoğan ölkənin Samsun şəhərində quracağı illik 200 min ədəd gücündə atomobil zavodu üçün təşəkkürnamə təqdim edib.
Marja xəbər verir ki, keçən il investisiya qərarını açıqlayan Çinin avtomobil istehsalçısı BYD-nin ardınca Chery-nin Türkiyəyə 1 milyard dollarlıq sərmayəsi yatırması qərarı keçirilən tədbirdə aydınlaşıb.
Xəbər beynəlxalq mediada dərc edildikdən sonra Çinin avtomobil istehsalçısı Chery, istehsal müəssisəsi quracaq bir tərəfdaşla Türkiyədə fəaliyyətlərini genişləndirəcəyini açıqlayıb.
Türkiyə Sənaye Nazirliyinin rəsmisi "Reuters" agentliyinə bildirib: "Prezident Ərdoğan Türkiyədə həyata keçiriləcək 9,2 milyard dollarlıq 19 yeni sərmayəni açıqlayıb. Şirkət nümayəndələrinə təşəkkürnamələr verilib. Bunlar arasında Chery də var. Chery tərəfdaşı ilə Samsuna 1 milyard dollar sərmayə yatıraraq istehsal müəssisəsi quracaq".
Ərdoğanın təşəkkürnamə təqdim etdiyi tədbirdə Samsunda qurulacaq illik 200 min avtomobil gücündə zavodda yeni nəsil elektromobillər və ehtiyat hissələrinin istehsal ediləcəyi, layihədə Araşdırma və İnkişaf Mərkəzinin də yer alacağı bildirilib. 1 milyard dollar investisiyanın nəzərdə tutulduğu və 5 min nəfərin işlə təmin olunacağı bildirilib.
Türkiyənin "Sənaye və Texnologiya Strategiyası - 2030" tanıtım proqramının ardından, Ərdoğan Türkiyəyə sərmayə yatıran şirkətlərə təşəkkürnamələri təqdim edib.
Digər Çin avtomobil istehsalçısı BYD də keçən il Türkiyənin Manisa şəhərində 150 min avtomobil gücündə zavod qurmaq üçün 1 milyard dollar sərmayə yatırmağa qərar verib.
Chery ilə yanaşı, SAIC-in də Türkiyəyə investisiya etmək üçün danışıqlar apardığı bilinir.
