Sudan ordusu Çevik Dəstək Qüvvələri (RSF) ilə aylarla davam edən döyüşlərdən sonra paytaxt Xartuma nəzarəti ələ keçirib.
Ölkə.Az xarici KİV-ə istinadla xəbər verir ki, iki il əvvəl ordu ilə Çevik Dəstək Qüvvələri (RSF) arasında hərbi islahatlar və inteqrasiya kimi məsələlərdə fikir ayrılığına görə başlayan münaqişə dünəndən etibarən alovlanıb.
Sudan ordusu RSF-nin nəzarətində olan Xartumun böyük hissəsini geri almağa nail olub.
Sudanın Suverenlik Şurasının sədri Əbdülfəttah əl-Burhan "paytaxt Xartum artıq azaddır" deyib.
Qeyd edək ki, Sudandakı münaqişə səbəbindən təxminən 9 milyon insan məcburi köçkün vəziyyətinə düşüb, 3,5 milyon insan isə qonşu ölkələrə keçib.
Burada infrastruktur, iqtisadiyyat, təhsil, səhiyyə kimi sahələrdə ciddi dağıntılara səbəb olan münaqişələr səbəbindən insanlar müxtəlif çətinliklərlə üzləşirlər.
Billurə Yunus
