59 saylı Quba seçki dairəsindən Milli Məclisə deputat, professor Əlibala Məhərrəmzadənin təşəbbüsü ilə rayonda məktəblilər üçün silsilə Novruz şənlikləri təşkil olunub. Ümumilikdə 2 mindən çox yeniyetməni əhatə edən tədbir 23 mart tarixindən start götürüb və bu ayın sonuna qədər davam edəcək. Məqsəd uşaqların tətil və asudə vaxtlarının səmərəli təşklili, onların milli-mənəvi dəyərlər, adət-ənənələrimizə bağlı böyüyüb formalaşmasına töhfə vermək, azərbaycançılıq ideologiyasının aşılanmasıdır.
