Türkiyədə quzu balası bir an belə sahibinin yanından ayrılmır.
Bizim.Media xəbər verir ki, maraqlı hadisə Antalyada olub.
Manavgat rayonunun Kızılağaç qəsəbəsində yaşayan, yaşıllıq və heyvandarlıqla məşğul olan Həsən Kiraz adlı şəxsin qoyunlarından biri 3 bala dünyaya gətirib.
Qoyunun südü çatmadığı üçün sahibi balalardan birini butulka ilə yedizdirməyə başlayıb. 2 aydır əli ilə bəslədiyi quzu balası bir an belə sahibinin yanından ayrılmır.
Kiraz yanından heç vaxt ayrılmayan quzunu öz cangüdəni adlandırıb:
“Qoyun 3 bala dünyaya gətirdi. Ana 2 balasını əmizdirərkən mən “mühafizəçi”ni butulka ilə yedizdirdim. Bu prosesdə bir an belə yanımdan ayrılmadı. Hara getsəm, cangüdən də ora gedir”.
Aygün Hüseyn, Bizim.Media
