Bu gün futbol üzrə Almaniya çempionatında (Bundesliqa) 2024/2025-ci illər mövsümünün 27-ci turunun növbəti oyunları keçirilib.
Arena.az xəbər verir ki, ikinci oyun günündə altı qarşılaşma baş tutub.
Mönhenqladbax “Borussiya”sı doğma meydanda “Leypsiq”ə, “Ayntraxt” isə “Ştutqart”a minimal hesabla qalib gəlib. “Volfsburq” isə oxşar hesabla evdə “Haydenhaym”a uduzub.
“Hoffenhaym” – “Auqsburq” matçında tərəflər hərəyə 1 qol və 1 xalla kifayətləniblər. Səfərdə “Holştayn”la qarşılaşan “Verder” bu rəqibini 3 cavabsız qolla məğlub edib.
Lider “Bayern” də bu turda “Sankt Pauli” ilə münasibətlərinə aydınlıq gətirib. Rəqibinə çətinliklə qalib gələn Münhen təmsilçisi zirvədəki mövqeyini möhkəmləndirib.
27-ci turun qalan görüşləri bazar gününə təsadüf edəcək.
Almaniya, Bundesliqa
27-ci tur
28 mart
Bayer – Boxum 3:1
Qollar: A.Qarsiya, 20. Bonifase, 60. A.Adli, 87 – Passlak, 26.
29 mart
Borussiya (Mönhenqladbax) – Leypsiq 1:0
Qol: Plea, 56.
Bayern – Sankt Pauli 3:2
Qollar: H.Keyn, 17. Sane, 53; 71 – Saad, 27. Ritska, 90+3.
Hoffenhaym – Auqsburq 1:1
Qollar: Kramariç, 71-pen – Essende, 46.
Holştayn – Verder 0:3
Qollar: Dukş, 25. Aqu, 59. Qrull, 90+3.
Volfsburq – Haydenhaym 0:1
Qol: Pyeringer, 16-pen.
Ayntraxt – Ştutqart 1:0
Qol: Götse, 71.
30 mart
17:30. Frayburq – Union Berlin
19:30. Borussiya (Dortmund) – Maynts
