Şoqun və Tikanlı quşlar serialındakı rolları ilə tanınan amerikalı aktyor Riçard Çemberlen 90 yaşında vəfat edib.
Çemberlenin ölümünü Variety jurnalına publisist Harlan Bal təsdiqləyib.
Aktyor şənbə günü, martın 29-da Havay vaxtı ilə saat 23:15-də Havay adalarının Vaimanalo şəhərində vəfat edib", - nəşr yazır.
Bildirilib ki, aktyor insult keçirdikdən sonra ağırlaşmalardan dünyasını dəyişib.
Çemberlen 1960-cı illərin "Dr. Kildare" tibbi dramında şöhrət qazanmışdı və daha sonra mini serialların ulduzu olub. O, "Tikanlı quşlar" romanının film adaptasiyasındakı iddialı avstraliyalı keşiş roluna görə şöhrət qazanıb.
