Okeaniyada, Tonqa Krallığının sahillərində 7,1 bal gücündə zəlzələ qeydə alınıb və sunami təhlükəsi var.
Bu barədə ABŞ Geoloji Xidməti məlumat yayıb.
Dərc edilən məlumatlara görə , zəlzələ təxminən 1700 nəfər əhalisi olan Haapai adalarının Panqai şəhərindən 90,5 km cənub-şərqdə baş verib; itkilər barədə məlumat verilməyib.
ABŞ Milli Okean və Atmosfer Administrasiyası (NOAA) ilkin parametrlərin sunami riskinin olduğunu göstərdiyini bildirib. Zəlzələnin episentrindən 300 km radiusda dalğalar mümkünlüyü ifadə edilib.
