"Mən öz təcrübəmə əsaslanaraq, deyə bilərəm ki, əgər danışıqlar gedirsə, bu, transferin baş tutacağı anlamını vermir. Arnold hələ "Real"la müqavilə bağlamayıb".
Offsideplus.az xəbər verir ki, bu sözləri "Mançester Yunayted" və İngiltərə milli komandasının veteran futbolçusu Ueyn Runi deyib.
O bildirib ki, "Liverpul"dan "Real"a keçməyə razılıq verən Trent Aleksandr-Arnoldun transferinin baş tutmayacağı mümkündür: "Arnold "Real"a keçməkdən imtina edib, "Liverpul"da qalsa, təəccüblənməyəcəm. Çünki oxşar hal 2010-cu ildə mənim başıma gəlib. "Mançester Yunayted"dən getmək istəyirdim, hətta "Barselona" ilə danışıqlara da başlamışdıq. Messi, Xavi, İnyesta "üçlüy"ünə necə öyrəşəcəyimin xəyalını qururdum. Ancaq sonra fikrimdən daşındım və "Mançester Yunayted"də qaldım".
Qeyd edək ki, Trent Aleksandr-Arnold "Real"la 5 illik "virtual anlaşma"ya razılaşıb. O, iyunun 30-dən tez "kral klubu" ilə rəsmi müqavilə bağlaya bilməz.
