Azərbaycanda martın 31-i azərbaycanlıların Soyqırımı Günü kimi qeyd edilir.
Ölkəmizin ictimai həyatında əhəmiyyət kəsb edən sosial yönümlü tədbirlərin keçirilməsində təşəbbüskarlığı və fəallığı ilə seçilən peşəkar, öz sahəsində ixtisaslaşmış mühafizə şirkəti "Security Operation Services" MMC 31 Mart - Azərbaycanlıların Soyqırım Günü ilə əlaqədar Quba şəhərində “Soyqırım memorial kompleksi”ni ziyarət edərək faciə qurbanlarının xatirəsinə ucaldılmış abidənin önünə gül dəstələri qoymuş, sonra isə Kompleksin muzeyi və muzeydə yer alan 1918-ci il azərbaycanlıların soyqırımını əks etdirən foto-sərgi, xəritə, xalçalar və kitablardan ibarət sərgi ilə tanış olmuşdurlar.
Muzey əməkdaşları ziyarətçilərə baş vermiş hadisələr barədə məlumat verərək bildirmişdilər ki, insanlığa qarşı öz vəhşi əməllərini həyata keçirərkən ermənilər, 1918-ci ilin əvvəllərindən başlayaraq bütün Bakı quberniyasında yaşayan azərbaycanlıların çıxarılması məqsədlərini güdən cinayətkar planın, reallaşdırılmasına başlamışlar.
Həmin dövrdə milli mənsubiyyətinə görə minlərlə dinc azərbaycanlı məhv edilib, evləri yandırılıb, insaniar diri-diri oda atılıbar. Ermənilər tərəfindən milli memarliq abidələri, məktəblər, xəstəxanalar, məscidlər və digər tikililər vəhşicəsinə yerlə yeksan edilibdir. Azərbaycanlıların soyqırımı Bakı, Şamaxı Quba, Qarabağ, Zəngəzur, Naxçıvan, Lənkəran və Azərbaycanın digər ərazilərində həyata keçirilib. Bu torpaqlarda kütləvi qaydada dinc əhali qırılıb, kəndlər yandırılaraq milli mədəniyyət abidələri məhv edilibdir.
1918-ci ilin mart-aprelində Bakı, Şamaxı, Quba, Muğan və Lənkəranda ermənilər 30 mindən çox azərbaycanlını qətlə yetirməklə 10 minlərlə insanı öz torpaqlarından qovmuşdurlar. Təkcə Bakıda 10 minə yaxın azərbaycanlı öldürülüb, Şamaxıda 58 kənd dağıdılmış 7 min nəfər (1.653 qadın, 965 uşaq) məhv edilmişdir. Quba ərazisində 122, Qarabağın dağlıq hissəsində 150, Zəngəzurda 115, İrəvan quberniyasında 211, Qars əyalətində 92 kənd dağıdılmış, qətliam həyata keçirilmişdir. Həmin dövrdə İrəvan azərbaycanlılarının çoxsaylı müraciətlərinin birində göstərilirdi ki, azərbaycanlıların bu tarixi şəhərində və onun ətrafında qısa zaman ərzində 88 kənd dağıdılmış, 1.920 ev yandırılmış, 131 min 970 nəfər isə öldürülmüşdür.
Şirkətin direktoru Anar Məmmədov soyqırım hadisələri ilə bağlı bildirib ki, 26 mart 1998-ci ildə "Azərbaycanlıların soyqırımı haqqında" Azərbaycan Respublikası prezidenti H. Əliyevin "31 Mart Azərbaycanlıların soyqırımı Günü" kimi qeyd olunması üçün xüsusi fərman imzalamışdır. Ulu öndərin davamçıları olan indiki və gələcək nəsillər xalqımıza qarşı törədilmiş bu xüsusilə ağır cinayət əməlini, soyqırımı əsla unutmayacaq və unutdurmayacaqdır.
Soyqırımı qurbanlarının xatirəsini ehtiramla yad edir, onlara Allahdan rəhmət diləyirik!
"AzPolitika.info"
