U21 Azərbaycan milli komandası və "Şamaxı" klubunun baş məşqçisi Ayxan Abbasov həftəiçi hər gün saat 15:00-da Sağlam Radio 93FM-də yayımlanan "Offside" verilişinin qonağı olub.
Offsideplus.az xəbər verir ki, 43 yaşlı mütəxəssis "General olmaq istəməyən əsgər yoxdur". Siz özünüzdə əsas milli komandanı çalışdıra biləcək gücü hiss edirsinizmi?", sualına belə cavab verib:
"General və məşqçilik ayrı-ayrı söhbətlərdir. Bu gün qarşımıza qoyduğumuz vəzifə A millinin işindən çətindir. Bu gün gənclər tapmaq, oynatmaq, gələcəyimizi yetişdirmək lazımdır. Mən hələ ki bu yükü götürüb, buna yüklənmişəm. Qarşıda bizi nələr gözləyir, bilmirik. İdmançı, baş məşqçi karyeranda gözləmədiyin anlar olur. Allah nə qismət edibsə, gələcəkdə olacaq. Bugünkü gündə U21-dəyəm".
Qeyd edək ki, bugünkü verilişi Offsidecaps yutub kanalında saat 21:00-dan etibarən izləyə bilərsiniz.
