Çinin “Sinxua” xəbər agentliyi yerli hakimiyyət orqanlarına istinadən xəbər verir ki, Myanmada baş verən zəlzələ nəticəsində ölənlərin sayı 2886 nəfərə çatıb, daha 4639 nəfər yaralanıb. 373 nəfərin itkin düşdüyü bildirilir.
Xatırladaq ki, Martın 28-də Myanmada 7,7 bal gücündə zəlzələ baş verib. Onun episentri ölkənin 1,5 milyon əhalisi olan ikinci ən böyük şəhəri Mandalaydan 17 km aralıda olub. Yeraltı təkanlar Tailand, Çin və Vyetnamda hiss olunub. Rusiya, Hindistan, Çin və Malayziya Myanmaya xilasedicilər, ABŞ, Avropa Birliyi və Böyük Britaniya isə humanitar yardım göndərib.
//Samir Qurbanov, Editor.az
