Bakı, 2 aprel, AZƏRTAC
“SpaceX” kosmik şirkətinin “Fram2” missiyasının uğurla buraxılması ilə bütövlükdə mülki ekipaj peşəkar astronavtların heç vaxt sınamadığı uşusu həyata keçirəcək. Onlar Yer kürəsini qütbdən qütbə orbitdə seyr edəcəklər.
AZƏRTAC ABC telekanalının saytına istinadla xəbər verir ki, “Falcon 9” raketi ilə kosmik fəzaya buraxılan “SpaceX Dragon” gəmisi NASA-nın Floridadakı Kennedi Kosmik Mərkəzindəki “Launch Complex 39A”dan havaya qalxıb və ekipajı 90 dərəcə qütb orbitinə aparıb.
Ekipaj üzvləri üç-beş günlük missiya zamanı avtonom “Dragon” şimal qütbündən cənub qütbünə 267 mil yüksəklikdə dəfələrlə səyahət edəcək və orbitin ətrafında hər uçuş təxminən 46 dəqiqə çəkəcək.
Şəxsi maliyyələşdirilən missiyaya maltalı kriptovalyuta sahibkarı Çun Vanq rəhbərlik edir. Ona norveçli kinorejissor və kinematoqraf Cannik Mikkelsen, Berlindən olan robototexnika tədqiqatçısı Rabia Rog və özünü peşəkar qütb macəraçısı adlandıran Erik Filips qoşulub. Bu, kvartet üçün kosmosda ilk uçuş olacaq.
Norveçin məşhur qütb kəşfiyyat gəmisi “Fram”ın adı ilə adlandırılan və “irəli” mənasını verən “Fram2” barədə məlumatda deyilir ki, komanda aşağı Yer orbitindən Yerin qütb bölgələrinə baxmağı və fotoşəkil çəkməyi planlaşdırır. Bununla yanaşı, gələcək uzunmüddətli kosmik missiyalara yönəlmiş 22 təcrübə keçirilməsi, atmosfer hadisələrinin öyrənilməsi nəzərdə tutulur.
Missiyanın nəqliyyat vasitələrinin komandiri Mikkelsen Yerin qütbləri kimi təhlükəli və uzaq mühitlərdə çəkilişlər üçün yeni nəsil texnologiyası üzrə ixtisaslaşmış norveçli kinorejissor və kinematoqrafdır.
