"Liverpul"un baş məşqçisi Arne Slott İngiltərə Premyer Liqasının qarşıdakı hissəsi və bu gün "Everton"a qarşı keçirəcəkləri görüş haqqında danışıb.
QOL.az xəbər verir ki, mütəxəssis hər oyunun finala bərabər olacağını deyib:
"Hamımız Premyer Liqanın növbəti 9 oyununu səbirsizliklə gözləyirik. Fikrimcə, oyunçular dincəlmiş görünürlər.
Çempionlar Liqasında PSJ-yə qarşı mübarizə apardıq. Düşünürəm ki, yaxşı oyun keçirdik, amma təəssüf ki, penaltilər seriyasında məğlub olduq.
İndi bizi qarşıda 9 final gözləyir. “Everton”la oyundan başlayaraq bu matçlar bizim üçün çox önəmlidir. Yalnız Mersisayd derbisi olduğuna görə yox, həm də ona görə ki, biz Premyer Liqadakı üstünlüyümüzü qorumaq istəyirik".
"Liverpul" növbəti matçını "Everton"a qarşı keçirəcək. Oyun bu gün Bakı vaxtı ilə saat 23:00-da başlayacaq.
