"Teşkilat"ın ulduzu paylaşımına görə serialdan çıxarıldı - FOTO

Türkiyənin TRT kanalında yayımlanan “Teşkilat” serialında rol alan aktrisa Aybuke Pusat ekran işindən kənarlaşdırılıb.

Ölkə.Az “Haber Global”a istinadla xəbər verir ki, buna səbəb aktrisanın paylaşımı olub.

Belə ki, o, sosial şəbəkələrdə boykot çağırışı edib.

TRT-nin baş direktoru Mehmet Zahid Sobacı sözügedən qərarı sosial şəbəkə hesabında açıqlayıb.

“Türkiyənin ictimai yayımçısı olan TRT keyfiyyətli yayımı və məzmunu ilə ölkəmizdə və dünyada yüksək qiymətləndirilən bir türk markasıdır. TRT-nin nüfuzunu və marka gücünü qorumaq TRT rəhbərliyinin ən mühüm vəzifələrindən biridir.

TRT ilə işləyən şirkətlər və şəxslər də ictimai yayımın prinsiplərini bilir və TRT layihəsində iştirak edərkən bu prinsiplərə uyğun hərəkət etmək məsuliyyətini öz üzərlərinə götürürlər.
Millətimizi təmsil edən TRT-nin layihələrində iştirak edənlərin çalışdıqları layihələr davam etdiyi müddətdə hansısa siyasi partiyanın açıq-aşkar başlatdığı (buna görə də onun siyasi mahiyyəti ön plana çıxır), ölkəmizin iqtisadiyyatını hədəf alan, siyasəti və cəmiyyəti dizayn etməyi hədəfləyən, milləti qütbləşdirən bir siyasi kampaniyanın tərkibində yer alması yolverilməzdir”, - deyə açıqlamada bildirilib.

Qeyd edək ki, 2021-ci ildən bəri yayımlanan “Teşkilat” serialının sonuncu sezonunda baş rolları Aybüke Pusat və Tolqa Sarıtaş canlandırır. 

Billurə