Ağır yanıq xəsarətləri ilə Şəmkir rayonundan Bakıya gətirilən gəncin həyatını xilas etmək mümkün olmayıb.
"Report"un Qərb bürosunun məlumatına görə, 23 yaşlı N.Yusifov paytaxtda yerləşən xəstəxanaların birində göstərilən tibbi yardımlara baxmayaraq dünyasını dəyişib.
Xatırladaq ki, hadisə bir neçə gün öncə Şəmkir rayonunun Tatarlı kəndində qeydə alınıb. Belə ki, tanışının evinə qonaq gələn N.Yusifov fərdi yaşayış evinin hamam otağında küstar üsulla hazırlanan sobanın ani alışması nəticəsində ağır yanıq xəsarətləri almışdı.
Faktla bağlı araşdırma aparılır.
