“Reuters/Ipsos” sorğusunun nəticələrinə görə, ABŞ Prezidenti Donald Trampın vəzifəsinə təsdiqləmə reytinqi 43%-ə düşüb, bu, onun 20 yanvardakı andiçmə mərasimindən bəri ən aşağı göstəricidir.
Respondentlər ən çox Trampın iqtisadi islahatlarından narazı qalıblar: sorğuda iştirak edənlərin 52% avtomobil və ehtiyat hissələrinə tariflərin artırılmasının onların yaxınlarına zərər verəcəyi ilə bağlı bəyanatla razılaşıb. Ümumilikdə respondentlərin yalnız 37%-i Trampın iqtisadiyyatda, 34%-i xarici siyasətdə, 48%-i isə immiqrasiya sahəsində fəaliyyətini bəyənib.
Donald Trampın ən yüksək bəyənmə reytinqi 2017-ci ilin yanvarında, onun ilk müddətində prezident kimi fəaliyyətə başladıqdan az sonra olub (49%). Ən aşağı göstərici isə 2017-ci ilin dekabrında qeydə alınıb (33%). 2025-ci ilin yanvarında vəzifəyə başlayanda onun bəyənmə reytinqi 47% təşkil edib.
“Reuters/Ipsos” sorğusu üç gün ərzində – 31 mart, 1 və 2 aprel tarixlərində onlayn keçirilib. Bu sorğuda 1486 amerikalı böyük iştirak edib. Səhv marjası 3 faiz bəndidir.
//Samir Qurbanov, Editor.az
