Azərbaycan kubokunda yarımfinal mərhələsinin “Neftçi” ilə ilk oyunu “Sabah” üçün əlamətdar olub.
Msport.az xəbər verir ki, səfər görüşündə qələbə topu “Sabah”ın yubileyi ilə yadda qalıb.
Belə ki, hücumçu Pavel Şafranko komandanın Azərbaycan kubokunda 40-cı qolunun müəllifi olub. Qəsəbə təmsilçisi bu həddə 21 görüşdə çatıb. “Sabah” 40 qoldan 18-ni evdə, 22-ni səfərdə vurub.
Bundan başqa, rəqibini 2:1 hesabı ilə məğlub edən “Sabah” kubokdakı 11-ci səfərində 5-ci qələbəsini qazanıb.
Qeyd edək ki, bakılılar 2017-18 mövsümündən kubokda iştirak edir.
