Rusiya Birbaşa İnvestisiya Fondunun (RDIF) rəhbəri, Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev bildirib ki, o, ABŞ prezidenti Donald Tramp administrasiyasının əsas üzvləri ilə Moskva və Vaşinqton arasında dialoqun bərpasını müzakirə edib...
Poliqon bu barədə TASS agentliyinə istinadən xəbər verir.
“Bilirsiniz, əslində, son iki gündə prezident Putinin göstərişi ilə mən burada, Vaşinqtonda Tramp administrasiyasının əsas üzvləri ilə görüşdüm”, o, Vaşinqtonda kiçik bir qrup jurnalistə deyib.
"Əsas mövzulardan biri, əlbəttə ki, Rusiya-Amerika münasibətlərinin bərpası, dialoqun bərpası, Bayden administrasiyası dövründə tamamilə dayandırılmış və kəsilmiş dialoqdur" Dmitriyev bildirib.
RDIF rəhbəri həmçinin qeyd edib ki, ABŞ prezidenti Donald Trampın administrasiyası Rusiyanın mövqeyini eşidir və onun narahatlığını anlayır.
"Ancaq qeyd edərik ki, prezident Trampın administrasiyası, administrasiyanın əsas adamları, onlar Rusiya-Amerika münasibətlərindəki bütün problemlərin həllinə diqqət yetiriblər. Təbii ki, onlar geosiyasi məsələlərin həllinə sadiqdirlər, bir çox məsələlərdə Rusiyanın mövqeyini eşidirlər", o, əlavə edib.
Poliqon.info
