Qırğızıstanda ictimai yerlərdə niqab və iri, dağınıq saqqal taxmağın qadağan edilməsi ilə bağlı əhali arasında izahat xarakterli tədbirlər keçirməyə başlayıblar.
Yenisabah.az Interfax-a istinadla xəbər verir ki, hüquq-mühafizə orqanları və xüsusi xidmət orqanları “Dini etiqad azadlığı və dini birliklər haqqında” qanunun yeni tələblərinə uyğun olaraq əhali arasında profilaktik işlər aparır.
Fevralın 1-dən qüvvəyə minən qanun ictimai yerlərdə şəxsin şəxsiyyətini müəyyən etməyə imkan verməyən geyimləri - niqabı qadağan edir. Niqab taxmaq 20 min som (230 dollar) məbləğində cərimə edilir.
“Əgər insan saqqal qoyursa, ona qulluq etməli, onu qaydasında saxlamalı və ictimai yerlərdə səliqəsiz görkəmdə gəzməməlidir”, - deyə Dövlət Təhlükəsizlik Milli Təhlükəsizlik Bürosunun mətbuat xidməti izah edib.
Qırğızıstan Müsəlman Üləmaları Şurası məhdudiyyətləri dəstəkləyib və aydınlaşdırıb ki, onlar üzü örtməyən və kameralar vasitəsilə şəxsin şəxsiyyətini müəyyən etməyə imkan verən hicaba şamil edilmir. Saqqalla bağlı Üləmalar Şurası bildirib ki, saqqal saxlayan kişi onu təmiz saxlamalı və səliqəli görünməlidir.
Telegram kanalımız
