Beynəlxalq Futbol Assosiasiyaları Federasiyası (FİFA) qarşıdan gələn Klublararası Dünya Çempionatının ən çox bilet satıldığı 5 oyununun adını açıqlayıb.
90deqiqe.Az xəbər verir ki, bu barədə ali futbol qurumu məlumat yayıb.
Qrup mərhələsində ən çox iştirak edən matçlar aşağıdakılar olacaq:
"Boka Xuniors" - "Bavariya"
"Boka Xuniors" - "Benfika"
"Flamenqo" - "Çelsi"
"Real Madrid" - "Əl-Hilal"
"Zalsburq" - "Real"
Qrup mərhələsində altı konfederasiyadan 32 komanda səkkiz qrupa bölünəcək. Hər qrupdan iki ən yaxşı komanda pley-offa yüksələcək. Final matçı 13 iyul 2025-ci ildə Nyu Cersi ştatının East Rutherford şəhərindəki MetLife Stadiumunda keçiriləcək. Turnirin mükafat fondu 1 milyard dollardan çox olacaq.
Bu, tarixdə bu formatda keçirilən ilk klublararası dünya çempionatıdır.
Turnir iyunun 15-dən iyulun 13-dək ABŞ-da keçiriləcək.
