AZ

"İsrail Qəzzada müharibəni qələbəyə qədər davam etdirəcək" - Netanyahu

İsrailin Baş naziri Benyamin Netanyahu niderlandlıhəmkarı Mark Rutteyə bildirib ki, İsrail HƏMAS hərəkatı üzərində tam qələbə çalana qədər Qəzza zolağında müharibəni davam etdirəcək və anklavın cənubundakı Rəfahdakı radikal taborlara qarşı hərəkətə keçəcək.

Redaktor.az TASS-a istinadən xəbər verir ki, bu barədə İsrail hökumətinin başçısının ofisi məlumat yayıb.

"Netanyahu bu gün (12 fevral) Qüdsdəki ofisində müharibə başlayandan bəri üçüncü dəfə (2023-cü il oktyabrın 7-dən - red.) Niderlandın Baş naziri Mark Rutte ilə görüşüb. Hökumət başçısı Rutteni bu barədə məlumatlandırıb. Netanyahu İsrailin Rəfahdakı terror taborlarına qarşı fəaliyyət göstərməyə davam edəcəyini və HƏMAS tamamilə məğlub edilənə qədər Qəzza zolağındakı müharibənin davam edəcəyini vurğulayıb".

Ofis həmçinin bildirib ki, bazar ertəsi Netanyahu Qüdsdə Almaniyanın müxalif Xristian Demokrat İttifaqının lideri Fridrix Merzlə görüşüb. “Hökumət başçısı Merzə İsrailə göstərdiyi qeyd-şərtsiz dəstəyə və onun özünümüdafiə hüququna, habelə Almaniyanın İsrailə tarixi öhdəliyinə görə təşəkkür edib”, - Netanyahunun ofisi qeyd edib.

Turan İSMAYIL

Seçilən
89
50
Mənbələr
Şərh ()
Bağla