Güney Azərbaycan əyalətində əhali etiraza qalxıb 

Qərbi Azərbaycan əyalətinin Zərşuran kəndində yerli əhali martın 26-da bu ərazidə yerləşən qızıl mədəninin İran hökuməti tərəfindən talan edilməsinə, yoxsulluq vəziyyətinə və işsizliyə görə etiraz aksiyası keçirib.

KONKRET.az xəbər verir ki, 12 saat davam edən oturaq aksiyanın dağıdılması üçün polis qüvvələri göndərilib. Bildirilib ki, etiraz yerli məmurların aksiya keçirilən yerə gəlməsi və kəndlilərin öz tələblərini açıqlmasından sonra oturaq etiraz aksiyasına son verilib.

Qeyd olunub ki, Qərbi Azərbaycan əyalətinin Tikantəpə bölgəsində yerləşən Zərşuran və Ağdərə qızıl mədənləri Orta Şərqin ən böyük mədənləri sayılır. Bu günə kimi qanunsuz istismar və zəhərli tullantıların təbiətə atılması səbəbindən bölgənin bir neçə kəndinin əkin və otlaq sahələri məhv edilib, minlərlə mal-qara tələf olub.