Makronun Braziliya lideri ilə romantik fotoları

Braziliyaya səfər edən Fransa prezidenti Emmanuel Makronun Braziliya lideri Luiz İnasio Lula da Silva ilə dostluğu medianın diqqətini çəkib.

"Unikal" xəbər verir ki, Makron və Lulanın Amazon meşəsində əl-ələ gəzdiyi, günəşin altında qayıqda gülümsədiyi, selfi çəkdirdiyi və tez-tez qucaqlaşdığı fotoları Braziliya mətbuatında “toy albomu” kimi qələmə verilərək lağ mövzusuna çevrilib. 

Sosial mediada bu zarafatlara qoşulan Makron "La La Land" filminin posteri olaraq Lula ilə əl-ələ tutduğu şəklini paylaşıb.

Baş rollarda Rayan Qoslinq və Emma Stounun çəkildiyi romantik filmə toxunan Makron, "Kimsə bizim şəkillərimizi evliliklə müqayisə edib. Bu, evlilik idi: Fransa Braziliyanı, Braziliya Fransanı sevir" qeydini paylaşaraq Lulanı işarələyib.

Gülayə Mecid