Təcavüzkar məşqçi günahsız elan olundu, etiraz dalğası başlandı - VİDEO

Bir neçə ay əvvəl “Santos”un qadınlardan ibarət komandasının baş məşqçisi Kleyton Lima ilə bağlı qalmaqal yaranıb.

Publika.az xəbər verir ki, məşqçi futbolçuları təhqir etməkdə şübhəli bilinib. Nəticədə ona qarşı ittihamlar götürülsə də, məşqçi istefa verib.

Ötən ilin sentyabrında Braziliya mətbuatı “Santos” qadın komandasının baş məşqçisi Kleyton Limanın qadın futbolçulara təcavüz etməkdə şübhəli bilindiyini yazıb. Məşqçiyə qarşı 19 anonim ittiham irəli sürülüb. Qalmaqaldan sonra 49 yaşlı çalışdırıcı klubu tərk edib. Nəticədə braziliyalının günahı sübuta yetirilməyib.

Son günlər bu səs-küylü iş yenidən gündəmə gəlib. Aprelin 2-də “Santos” rəhbərliyi Limanın komandaya qayıdacağını açıqlayıb. Funksionerlər məşqçiyə qarşı heç bir sübut tapmadıqlarını bildiriblər. Braziliya klubunun qərarı geniş etirazlara səbəb olub. Cümə günündən bəri liqadakı bütün oyunçular məşqçinin qayıtmasına etiraz edirlər.