Türkiyə Prezidenti müxtəlif ölkələrdən Ankaraya gələn uşaqlarla görüşüb

Ankara, 23 aprel, AZƏRTAC

Türkiyə Prezidenti Rəcəb Tayyib Ərdoğan aprelin 23-də Milli Suverenlik və Uşaq Bayramı günü münasibətilə müxtəlif ölkələrdən Ankaraya dəvət olunan bir qrup uşaqla görüşüb.

AZƏRTAC xəbər verir ki, TRT telekanalının ənənəvi beynəlxalq uşaq şənliyi proqramının iştirakçıları ilə türkdilli dövlətlərdən gələn uşaqlar Prezident Administrasiyasının binasına milli geyimlər, musiqi alətləri və Türkiyə bayraqları ilə daxil olublar.

Dövlət başçısı rəqs edən və şeir söyləyən uşaqları alqışlayıb, bayramlarını təbrik edib.

Görüşə Türk Dövlətləri Təşkilatının Ağsaqqallar Şurasının sədri Binəli Yıldırım da qatılıb.

Ramin Abdullayev

AZƏRTAC-ın xüsusi müxbiri

Ankara