Lotoreyada qazanmağın yolu nədən keçir? - Ekspert məsləhəti

Hər gün on minlərlə insan lotereyanı onun istənilən variantında oynayır. 

Valyuta.az xəbər verir ki, hər kəsin öz oyun üslubu olur. Bir çoxları kiçik maliyyə uduşları üçün oynayırsa, sırf “Cekpot” qazanmaq naminə həyatını sərf edənlər də tapılır. Bununla bağlı təkrarlanan nümunələr olsa da, hər insanın oyun tərzi köklü şəkildə fərqlidir. Söhbət, məsələn, həyatı boyu həmişə eyni nömrəni alanlardan gedir. Doğum tarixləri və ya həyatlarının mühüm anları əsasında qəribə kombinasiyalar yaradan insanlar da mövcuddur. Sonuncu çox populyar oyun üsuludur, baxmayaraq ki, bu səhv də ola bilər. 

Lotereya üzrə ekspert, “CasinoAlpha” xidmətinin üzvü Fransisk Ksiki də belə  düşünür. “The Sun”a açıqlamasında ekspert, lotoreyada böyük uduşlar qazanmaq üçün nələr edə biləcəyinizlə bağlı məsləhətlər verib. O, “Bu rəqəmlərin çox şəxsi olduğunu düşünsəniz belə, minlərlə digər oyunçu ilə eyni tarixləri bölüşmək şansınız var. Bundan əlavə, belə kombinasiyalar adətən çox kiçik imkanları əhatə edir. Siz açıq şəkildə şansınızı azaldırsınız. Tək qələbə şansı çox az adamın istifadə etdiyi bir imtiyazdır” - deyə izah edib. 

Bütün həyatınızı bu taktikaya əsaslanaraq biletinizi seçməyə sərf edənlərdənsinizsə, Ksiki strategiyanızı dəyişdirmək və daha effektiv marşrut seçmək üçün bəzi məsləhətlər verib. Məsələn, biletlərin iki rəqəmə qədər olan birləşməsindən yaradılan “EuroMillions” və ya “Primitiva” kimi tirajlarda , ekspertin fikrincə, udmaq şansınızı artırmağın bir yolu 31-dən yuxarı olan nömrələri seçməkdir.

Ekspertin bildirdiyinə görə, “Cekpot” məbləği nə qədər yüksək olarsa, onu qazanmaq şansı da bir o qədər aşağıdır. Ksiki daha az iddialı, lakin mükafatları çox paylanan lotereyalara üstünlük verməyi məsləhət görüb.

Elmir