Tramp ABŞ- dünyanın qalan hissəsi üçün zibilxana adlandırdı

ABŞ-ın keçmiş prezidenti Donald Tramp Amerika iqtisadiyyatını dəyərsiz və ölkəni dünyanın qalan hissəsi üçün zibilxana adlandırıb. 

Valyuta.az xəbər verir ki, bu barədə "Action News" məlumat yayıb.

Onun sözlərinə görə, ABŞ-ın hazırkı prezidenti Co Bayden tarixdə ən pis Amerika lideridir. Baydenin immiqrasiya siyasətlərindən danışan Tramp deyib ki, ABŞ dünyanın qalan hissəsi üçün zibilxanaya çevrilib.

Tramp ABŞ-a qeyri-qanuni yollarla gələnlərin keçmiş məhbuslar olduğunu vurğulayıb. Sabiq prezident həmçinin yaxın gələcəkdə hazırkı dövlət başçısı ilə istənilən vaxt debat üçün görüşməyə hazır olduğunu bildirib.

ABŞ-da prezident seçkiləri 2024-cü ilin noyabrında keçiriləcək. Donald Tramp Respublikaçılar Partiyasından, hazırkı prezident Co Bayden isə Demokratlar Partiyasından namizədliyini irəli sürür. Hər iki namizəd yaşı ilə seçilir: Trampın 77, Baydenin isə 81 yaşı var.

Paşa Məmmədli