RF müdafiə nazirinin müavini rüşvət almağa görə deyil, dövlətə xəyanətdə şübhəli bilinərək saxlanılıb

Rusiya Federasiyası müdafiə nazirinin müavini Timur İvanov ictimaiyyətə açıqlandığı kimi rüşvət almaqda deyil, dövlətə xəyanətdə şübhəli bilinərək saxlanılıb.

Editor.az bildirir ki, bu barədə aprelin 24-də “Vacib tarix” nəşri Rusiya FSB-nə yaxın mənbələrə istinadən məlumat yayıb. “Rüşvət məlumatı ictimaiyyət üçündür” – deyə jurnalistlərin həmsöhbətlərindən biri bildirib.

Nəşrin başqa bir mənbəsi vurğulayıb ki, “onu korrupsiyaya görə heç kim saxlamazdı, orada [Kremldə] hamı bu barədə çoxdan bilirdi”. “Rusiya prezidenti Vladimir Putin İvanovu saxlamaq əmri onu bunun vətənə xəyanət olduğuna inandıra bildikdən sonra verib”, o iddia edib.

“Vacib tarix” yazır ki, Rusiya təhlükəsizlik qüvvələri “uzun illər” İvanov haqqında ittihamedici sübutlara malikdir. Jurnalistlərin sözlərinə görə, əvvəllər “Şoyqu İvanovun müdafiəsinə qalxıb”, o, FSB hərbi əks-kəşfiyyatının rəhbərinə “söyüş söyüb” ki, “FSB ona yaxın birisi üzərində işləyir”.

//Samir Qurbanov, Editor.az